संक्षिप्त परिचय

नेपालको पश्चिमाञ्चल विकास क्षेत्रमा पर्ने लुम्बिनी अञ्चलका ६ जिल्लाहरु मध्ये नवलपरासी पनि एउटा हो । यस जिल्लाको सदरमुकाम रामग्राम नगरपालिका हो र यो नगरपालिका वि.स. २०५३ चैत्र १४ गतेका दिन स्थापना भएको हो । भगवान् गौतम बुद्धको पवित्र अस्थिधातु रहेको प्राचीन रामग्राम स्तुपका नाममा यस नगरपालिकाको नामाकरण रामग्राम नगरपालिका भनी गरिएको हो । यो नगरपालिका तत्कालीन परासी आदर्श, मंझरीया, उनवछ र जमुवाड गरी जम्मा ४ वटा गा.वि.सहरु मिली बनेको हो । यो नगरपालिका भित्र १३ वटा वडाहरु छन् ती वटामा ४१ वटा टोल छन् ती ४१ वटा टोल भित्र ८१ वटा टोल विकास संस्था गठन गरिएको रामग्राम नगरपालिका जिल्लाको पहिलो नगरपालिका हो ।

सिमाना
पूर्व:मनरी गा.वि.स.
पश्चिम:सुक्रौली गा.वि.स.
उत्तर:सुनवल नगरपालिका
दक्षिण:पाल्ही गा.वि.स.

हावापानी:उष्ण मनसुनी हावापानी कहीकतै समशितोष्ण उल्लेख गरेको पाईन्छ ।

दिर्घकालिन सोच:
“नगरबासीकाे सराेकार" स्वच्छ,पारर्शी विकासमुखी"स्थानीय सरकार“

जनस्वास्थ्य:

विवरण संख्या अवस्थिति
जिल्ला अस्पताल २५ सैया १(एक) रामग्राम न.पा. वडा नं. ५
उपस्वास्थ्य चौकी ३(तिन) रामग्राम न.पा. वडा नं. ७,१०,११
विनोद निता आखा अस्पताल १(एक) रामग्राम न.पा. वडा नं. ५

जनसाख्यिक अवस्था:
विक्रम सम्वत् २०६८ को राष्ट्रिय जनगणना अनुसार यस नगरपालिकाको जनसंख्या २५,९९० रहेको थियो, जसमा पुरुष १२,८०७ र महिला १३,१८३ रहेको देखिन्छ । यसरी २०५८ को जनसंख्यालाई आधार वर्ष मान्ने हो भने यहाँ प्रतिवर्ष जनसंख्या वृदिद्धर २ प्रतिशत रहेको छ । यहाँ कुल घरधुरी संख्या ४,९७२ रहेको छ भने जनघनत्व ८२५ प्रति व.कि.मि रहेको छ ।